An Tap Thin Asin

🌹🌹🌹AN ṬAP ṬHIN ASIN.🌹🌹🌹

I nupui aia hmeichhe dang hlimna i buaipui sek lai khan, i nupui leh fate khan buaipui tu pa neih chakin AN ṬAP ṬHIN A SIN.

Hmeichhe dang dang i biak lawr a, i nupui leh fate hlimna ngaihsak lek lo a , i duh dan dana i tal lai khan
I nupui leh i fate rilru na in AN ṬAP ṬHIN A SIN.

Chhungkhat pa berin inchhungkhur ngaihtuah lek lo va , zu i ruih chhur chhur lai khan i nupui leh i fate zah vangin AN ṬAP ṬHIN A SIN.

Hmeichhe dang laka i hlim em em lai leh an tan i neih rosum i hman ṭeuh ṭeuh lai a, i nupui leh i fate harsatna ngaihtuah miah lova i tal lai khan , i nupui leh i fate chu hrehawm tiin AN ṬAP ṬHIN A SIN.

Nupui nei ngam ve meuh si in, chhungkua a i mawhphurhna hre miah lova i duh ang anga i khawsak kual vel lai khan i nupui leh i fate chu PA ṬHA TAK awtin AN ṬAP ṬHIN A SIN.

PA berin mahni nupui leh fate hma khua ngaihtuah lo lek a, phone leh computer ringawt i ngaihtuah lai khan i nupui leh i fate chu khawharin AN ṬAP ṬHIN A SIN.

THIANA.....i nupui leh i fate ṭap chu tunge thlem se i tih a, an lungngaihna, harsatna te tunge ṭanpui a, hnem se i tih reng reng ni. Chhungkhat pa berin inchhungkhur ngaihtuah lo leh mahni nupui  leh fate hlimna aia tute emaw hlimna tur i ngaihtuah em em vanga an hrehawm tawrhna te kha tu tuam dam turah nge i dah ṭhin. Tunge i nupui leh i fate ṭahna thlentu chu lo ni ta, NANGMAH ani tlat asin. I khawsak danin a zir loh vanga i nupui leh i fate zahna kha tu thawidam turah nge i dah le aw.

I rinawmloh vanga hmeichhe dang dangin i nupui an ankhum a, ṭawngkam mawilo tak tak a zahpah nei leklo a an hauha, i nupui zak taka indawm kun  te kha tunge lo chhan se i tih....tu thiamloh nge ni a i hriat, i nupui an zah loh em em chhan te kha, i ngaihtuah ve ṭhin lo emni aw?

I nupui leh i fate hlimna chu i kutah a innghat asin. I nupui miten an zahve a, an diriam ngamlohna tur a mawhphurtu chu chhungkhat pa kha i ni tih i hrelo emni. Nge a duh duhin ankhum se, zak takin siam se, nang i hlim chuan i duhtawk mai dawn. I nupui mawina leh hlimna, i fate lawmna leh thlamuanna siam tu chu nangmah i ni tih hi i hrethiam phak thlawt lo emni le..

Ngaihtuah chiang ve teh.
I nun khawlohna vanga i nupui leh fate tawrhna thleng ṭhin hi, i duh chuan i ti tawp thei asin....I NUPUI tan rinawm takin awm la, mite hmuhsit theih in siam lo la, chumi thlen tir tur chuan RINAWMNA hi atawk reng ania....

I lo tisual tawh anih pawhin chhungkaw awhawm tak din a, nupa zahawm tak ni turin i nundan diklo leh i chin ṭha lo kha sim la, khua i la tlai lo ania...

I NUPUI LEH I FATE ṬAHNA KHA THLEM A, AN NATNA TE THAWI DAM TURIN BUL HAN ṬAN ṬHA LEH TEH..
Mi hlimna tur buaipui ai chuan i nupui leh i fate hlimna tur i buaipui na chuan hlimtakin asiam zawk ngei ngei ang che...

I NUN KHAWLOH VANGA AN LO ṬAH TAWHNA CHU HLIMNA A THLAK TURIN RINAWMNA NEN  BUL HAN ṬAN VE TA CHE........

*Mafaka Aleks Ralte*
25/july/2018
2:10am.
Aizawl..

Share This