👉State bird of Mizoram and Manipur
A hming awmzia chu 'Surmatos' (Greek-Surma; kawrfual kal pah a hnuh delh delh chi tihna) tih hian a chang sei tak, a hnung lama awm deuh diai thin a entir a, 'humiae' erawh hi chu British mi, sava chanchin zirmi-A. O. Hume a nupui, Mary Ann Grindall Hume i hming chawi a phuah a ni.
China, thailand, Myanmar leh India rama hmun darhsarh taka hian tlem tlem an cheng a, khawvel hmun dangah chuan khawi lai tihloh chu an awm hriat a nilo. India ramah pawh Mizoram, Nagaland leh Manipur tlangram hmun tlem te ah chauh an awm ngei tih hriatchian a ni.
Sub species pahnih: S.h.humiae & S.h.burmanicus an awm a, S.h.humiae zawk hi kan rama awm thin zawk chu niin hriat a ni.
Near Threatened tih khian a mang mai hlauhawm hnai, dinhmun thalo taka awm thut thei a ni tih a tichiang mai awm e. Kum 2010 a chhut dan chuan khawvel pumpui ah hian Vavu puitling 10,000-20,000 vel an la awm ni a ngaih a ni a, mahse, heihi a kum telin kiam lam an pan nia hriat a ni bawk.
An hmul/chang mawi tak leh an sa duh vanga nasa tak a pel an ni hian heng sava pung chaklo tak te dinhmun hi a ti derthawng ta hle mai a, tin, an chenna hmun kan tibuai a kan tichereu nasa ta lutuk hian nasa takin a thenhrang a, an dinhmun hi a thalo ta takzet a ni. Thal laia ramkang thin te hian an chenna hmun leh bihrukna, ral laka an in humhimna phul hmun te kang ralin, a chang chuan an bu/tui/note te a kanghlum fo thin bawk..
Kan ram sava mawi leh hlu tak hi kan tu & fa te tana thawnthu an nih mai lohna theihtawp chhuah in humhalh ang u aw..
0 Comments: