*BEHLIANG* 🌿
_*Cajanus indicus*_
Mizo chawhmeh tui leh hrisel tak mai *Be-hliang* hi hmasang atangin pi leh pute khan damdawiah an lo hman tawh thin a, tun hnai ah pawh a thatna hmuh chhuah belh zel a ni bawk.
A thatna kan sawi tawh thin a, tun tumah pawh hian tlem azawng lo sawi thar leh ila.
1. Thinlian Damdawi : Thinlian, mitliam tan a tha hle a, a hnah chan sawma a tui sawr in emaw, a chhum tui in pawh a tha.
2. La vung / La tla damdawi : A rah leh a hnah a tha vek a ni.
3. Rulhut damdawi : Rulhut hlo tha tak a ni bawk a, a rah, a mu leh a hnah a tha.
4. Lawng ulcer tan : Ka lawng, chaw kawng lawng leh pumpui lawng tan a tha ve khawp mai.
5. Lung lam chakna : Lung tha lo tan a tha a, thisen kal vel a tichak thei a ni.
6. Thau tha lo kang ral a, ei sual vengtu a ni. Ruh chak lo leh ruh seh tan a tha bawk.
7. Phar natna intantir tan leh thak leh bawl satliah atan a tha a, taksa bawk thang thei tan pawh a tha.
A thatna tam tak sawi sen a ni lo - tai na leh chhul tan a tha bawk a, sawi vek lo mai ila, tun hnaia khawl leh test hrang hrang an hman thiam tawh hnu hian a thatna pai tam tak pawh chu a hming hmerha sawi tur an hmu chhuak ve ta chauh zawk a ni.
Be-hliang hi Ramhnim Damdawi dang tha leh him sa ang thovin Siamtun kan damdawi leh chawhmeh atan tha saiin a siam a, hmansanga pi leh puten an lo hman tangkai hle tawh bawk a. Tun hnaia a thatna pai tehna khawl hmanga an hmuh chhuah chuan Be-hliang thatna chu a rawn nemnghet ve a ni mai chauh zawk a, mahse hmuh chhuah vek sen erawh a la ni rih lo mai zawk a ni.
Heng - Protein, potassium, magnesium, phosphorus, vitamin chi hrang hrang, vitamin B-riboflavin, niacin, lipids, selenium, copper, zinc, folate leh a dangte a pai a ni.
Be-hliang hi a rah, a chi (mu), a par, a hnah leh kuang, zung thlengin hman tangkai vek theih a.
Chawhmeh a kan hmang dawn a nih pawhin a bal thang ban chual mai hi chi tui alin sil fai ila, saum, chiang (soda) leh sahan te nen bai nuaih lovin, a hlang hian hmin lutuk lovin siam a ei hian a thatna a tam ber a, bawlhlo chi hrang hrang nena sawngbawl vak hian a thatna leh chakna a nuai bo ve thei a ni.
Behliang hi thil hmin hma tak a ni a, a mu erawh a hmin har deuh, tuiah chiah lawka chana chhum anga chhum hmin tawh mai tur a ni.
Damdawi a tan chuan - Ramhnim Damdawi thiam leh siam thangten a chakna leh thatna an lak chhuah leh thianghlim taka an sawngbawl ngei ei hi a chakin a tha deuh ber mai.
_*Hman Nghal Theih Ramhnim Damdawi*_ by : _KC Ruata_- 🌿🍒 *Ramhnim Damdawi Group*
0 Comments: