RILRU A DEK KHAWP MAI
🥗📯🥗📯🥗
Hnathawhna hmun pakhata anhotu ber pension tur an thlah tumin, an hotu ber chawl mai tur an ui em avangin an mittui a parawl per pur hlawm a.An zinga mi pakhat chuan, Ka pu, I hnuaia thawkte kan invin dawr dawr a, kan inhauh chiam chiam lai pawhin nang kan hotu ber hi i zaidam em em a. Kan thawh ho rei tawh tehlul nen mi i hauh reng reng kan hre lo hi… i zaidam em emna chhan hi min hrilh teh” ati a.An hotupa chuan, “Ka naupanlaia ka thil tawn ka hrilh ang che u. Ka pa hi office pakhata hna sang vak lo thawka ni a. Pa zaidam leh pa tha tak, kan chhungkuain kan thlamuanpui leh kan zah em em a ni a.Vawi khat chu Pawl li chauh kala zir laiin eng emaw thil vangin ka pate office chu ka tlawh a. A thutnaah chuan a lo thu lo va. Pawnah chuan ka panghakin ka thu a. Rei vak lo hnuah chuan a hotupa kawngkar chu a rawn inhawnga.Ka pa chu hmai sen awp awpin a lo chhuak a. Min hmu miah lovin, a room kil lam a pan ding nghal a. Tukverh atangin pawn lam a thlir ta reng mai a. Ka va pan a, ‘pa’ tiin zawi tein ka ko va, min hmu thut chu mak a tihhmel hle a. a bianga mittui luang zawih zawih chu ka hmu chiang hle. Min hmu chu hrehawm a tih hmel hle a, a mittui chu hruk hul mai sen a ni si lo.Khawvela huaisen ber leh thil tithei ber nia ka hriat ka pa mittui tla zawih zawih khawpa rilru naa siam thei an awm angtih ka ngaihtuahnaa lut ngai lo tawp a ni.A pu room lam pan chuan ka tlan nghal a, ka pa chuan min koh let a tum naa, roomah chuan ka va lut a.“Engvangin nge ka pa i tih tah?” Ka va ti ta tuar tuar mai a. A pu pawh chuan mak a ti nang mai.Ka pa chuan thil awmzia min hrilhfiah a.. . Chuta tang chuanlehkha tha taka zir a, ‘pu’ fel tak nih ka tum ta tlat a. Ka hnuai thawkte hi ka hnuaia thawkte an ni satliah lo va, mi tana pa/nu/u etc an innghahna, an zah em em, an chhungkua leh khawtlang tanami pawimawh tak te an ni theuh si a.Mi hau lova, hmangaihna lantirzawk hian hna kan thawk ho thei a ni” tih thu hi a sawi ta a.•••••••••••••••••••••••••••••••••••••••••••••••••••
0 Comments: